Студеното време веќе ни тропна на вратите и почнавме да уживаме во топли шолји чај и подебела облека, а многумина од нас преземаат и дополнителни мерки на претпазливост за време на сезоната на грип, бидејки последното нешто што сакаме е да се разболиме и да ги пропуштиме сите веселби и случувања периодот.
Настинката е најчеста заразна болест кај луѓето, а просечниот човек заболува од настинка неколку пати годишно
Знаеме дека витаминот Ц, или аскорбинска киселина, како што е исто така познат, е неопходен за правилно функционирање на нашиот имунолошки систем. Па меѓу првите чекори што можеме да ги направиме самите е суплементацијата со витамин Ц.
Но што вели науката, дали и колку витаминот Ц може да спречи или помогне во заздравувањето од грип и настинки?
Според списанието Nutrients, витаминот Ц е од клучно значење за одржување на интегритетот на нашите епителни бариери
Односно, сите површини кои спречуваат какви било надворешни загадувачи да влезат во нашето тело. Кожата и цревните ѕидови се добри примери за епителни бариери.
Витаминот Ц, исто така, помага да се заштити нашата кожа од патогени со зајакнување на нејзината структура и промовирање на нејзината способност да ги „исчисти“ слободните радикали, и ја подобрува способноста на нашиот имунолошки систем да открива и уништува микроби пред тие да почнат да претставуваат опасност за нашето здравје. Така, во теорија, витаминот Ц треба да не заштити од овие мали респираторни инфекции.
Според списанието Nutrients, витаминот Ц помага да се зголеми производството и пролиферацијата на Б- и Т-лимфоцитите. Б-лимфоцитите создаваат антитела – протеини кои се врзуваат за бактериите и вирусите. Овој процес му помага на нашиот имунолошки систем да ги идентификува како туѓи тела.
Улогата на Т-лимфоцитите е да ги уништат овие означени несакани посетители. Така, витаминот Ц треба да ни помогне да го скратиме времетраењето и да ги олесниме симптомите на обичната настинка.
И според мета-анализата објавена во списанието Biomed Research International, витаминот Ц навистина може да помогне да се скрати времетраењето на настинките
Времето за подобрување на симптомите и целокупното време на опоравување биле подобри со суплементација на витамин Ц отколку само со антивирусна терапија.
Резултатите од друга мета-анализа објавена во списанието Biomed Research International сугерираат дека земањето дополнителни терапевтски дози на почетокот на настинката, исто така, може да помогне да се скрати времетраењето на настинката, како и да се ублажат симптомите како болка во градите, треска. и морници.
Заклучно на сето ова, суплементацијата со витамин Ц може само минимално да го намали ризикот од настинка, но може да го забрза вашето закрепнување и да ја намали сериозноста на симптомите.
Всушност, недостатокот на витамин Ц значително го ослабува имунолошкиот систем и го зголемува ризикот од инфекции. Поради овие причини, внесувањето доволно витамин Ц за време на инфекции е еден од оптималните чекори да се заштитите и да го подобрите вашето здравје.
